Psa 5 | THOT | STEP | לַ מְנַצֵּ֥חַ אֶֽל ־ הַ נְּחִיל֗וֹת מִזְמ֥וֹר לְ דָוִֽד ׃

Psalms 5

1 לַמְנַצֵּחַ אֶֽל־הַנְּחִילוֹת מִזְמוֹר לְדָוִֽד׃ 2 ^{▼▼English Ref=5.1} אֲמָרַי הַאֲזִינָה׀ יְהוָה בִּינָה הֲגִֽיגִי׃ 3 ^{▼▼English Ref=5.2} הַקְשִׁיבָה׀ לְקוֹל שַׁוְעִי מַלְכִּי וֵאלֹהָי כִּֽי־אֵלֶיךָ אֶתְפַּלָּֽל׃ 4 ^{▼▼English Ref=5.3} יְֽהוָה בֹּקֶר תִּשְׁמַע קוֹלִי בֹּקֶר אֶֽעֱרָךְ־לְךָ וַאֲצַפֶּֽה׃ 5 ^{▼▼English Ref=5.4} כִּי׀ לֹא אֵֽל־חָפֵץ רֶשַׁע׀ אָתָּה לֹא יְגֻרְךָ רָֽע׃ 6 ^{▼▼English Ref=5.5} לֹֽא־יִתְיַצְּבוּ הֽוֹלְלִים לְנֶגֶד עֵינֶיךָ שָׂנֵאתָ כָּל־פֹּעֲלֵי אָֽוֶן׃ 7 ^{▼▼English Ref=5.6} תְּאַבֵּד דֹּבְרֵי כָזָב אִישׁ־דָּמִים וּמִרְמָה יְתָעֵב׀ יְהוָֽה׃ 8 ^{▼▼English Ref=5.7} וַאֲנִי בְּרֹב חַסְדְּךָ אָבוֹא בֵיתֶךָ אֶשְׁתַּחֲוֶה אֶל־הֵֽיכַל־קָדְשְׁךָ בְּיִרְאָתֶֽךָ׃ 9 ^{▼▼English Ref=5.8} יְהוָה׀ נְחֵנִי בְצִדְקָתֶךָ לְמַעַן שׁוֹרְרָי הוֹשַׁר ^{▼▼For Ketiv הוֹשַׁר Qere= הַיְשַׁר} לְפָנַי דַּרְכֶּֽךָ׃ 10 ^{▼▼English Ref=5.9} כִּי אֵין בְּפִיהוּ נְכוֹנָה קִרְבָּם הַוּוֹת קֶֽבֶר־פָּתוּחַ גְּרוֹנָם לְשׁוֹנָם יַחֲלִֽיקוּן׃ 11 ^{▼▼English Ref=5.10} הַֽאֲשִׁימֵם׀ אֱֽלֹהִים יִפְּלוּ מִֽמֹּעֲצוֹתֵיהֶם בְּרֹב פִּשְׁעֵיהֶם הַדִּיחֵמוֹ כִּי־מָרוּ בָֽךְ׃ 12 ^{▼▼English Ref=5.11} וְיִשְׂמְחוּ כָל־חוֹסֵי בָךְ לְעוֹלָם יְרַנֵּנוּ וְתָסֵךְ עָלֵימוֹ וְֽיַעְלְצוּ בְךָ אֹהֲבֵי שְׁמֶֽךָ׃ 13 ^{▼▼English Ref=5.12} כִּֽי־אַתָּה תְּבָרֵךְ צַדִּיק יְהוָה כַּצִּנָּה רָצוֹן תַּעְטְרֶֽנּוּ׃